Afastada das ficcións científicas que fixeron célebre a H.G. Wells e considerada polo propio autor como a súa favorita, Kipps é unha novela social de fortes reminiscencias autobiográficas na que un protagonista en ocasións cómico e en ocasións tráxico se enfronta a obstáculos aparentemente insalvables no seu percorrido a través das distintas capas da sociedade inglesa de finais do século XIX. Herbert George Wells (1886-1946) naceu en Kent, no seo dunha familia de clase traballadora. Tivo que traballar desde moi novo para contribuír á economía famliar, vivindo de primeira man a explotación laboral como aprendiz nunha tenda de tecidos. En 1884 entrou de bolseiro na Normal School of Science, onde espertou o seu interese pola ciencia, a historia e o cambio social. Pouco despois comezaría a escribir, alcanzando grandes éxitos de vendas coas súas obras, das que máis adiante se farían memorables adaptacións á radio, ao cine e á televisión.  

____

Editorial: Irmás Cartone
Idioma: Gallego